30.10.2023 Скопје
Прелиминарните податоци на Централната банка (ЦБЦГ) покажуваат дека вкупниот прилив на странски директни инвестиции на крајот на август изнесува 569,61 милиони евра, а во исто време од Црна Гора излегле 283,55 милиони евра.
„Нето-приливот на странски директни инвестиции од јануари до август изнесува 286,06 милиони евра, што е за 49,4 отсто помалку во однос на истиот период лани“, се наведува во Билтенот на ЦБЦГ.
Вкупниот прилив на странски директни инвестиции е намален за 25,47 отсто во однос на компаративниот период, што е резултат на падот на инвестициите по основ на меѓукомпаниски долг и инвестиции во компании и банки, како и врз основа на повлекување инвестиции од странство.
Од земјава се одлеале 57,14 милиони евра по основ на инвестиции на резиденти во странство, а повлекувањата на средства од нерезиденти инвестирани во Црна Гора изнесуваат 226,41 милиони евра.
Приливот на странски директни инвестиции во форма на акционерски инвестиции изнесува 360,83 милиони евра, што е 63,35 отсто од вкупниот број. Од нив 296,81 милиони евра се инвестирани во недвижен имот, а 64,02 милиони евра во фирми и банки.
Приливот на СДИ во вид на меѓукомпаниски долг изнесува 179,41 милиони евра што е 31,5 отсто од вкупниот прилив.
Подготвено од А.Ѓ.
About Author
