13.10.2023 Скопје
Во Музејот на македонската борба викендов ќе се одржи авторски концерт на композиторката Ана Пандевска. На концертот премиерно ќе биде изведен нејзиниот нов циклус пиеси за деца за виолина и електроника „Детски авантури“.
„Детски авантури“ е композиција инспирирана од лектирите за деца од основно образование што ќе ја изведат младите виолинистки Дина Атанасовска, Хатиџе Салиева и Ема Крстевска, кои работат под менторство на проф. Ерхан Шукри и проф. Аспарух Ќортошев.
Концертот е поддржан од Министерството за култура на РС Македонија. Влезот е слободен.
Ана Пандевска (Скопје, 1985) е една од највпечатливите и најпродуктивни појави на македонската композиторска сцена. Пандевска дипломира на Факултетот за музичка уметност во Скопје. Таа е редовен член на Сојузот на композиторите на Македонија (СОКОМ) и добитничка на повеќе награди за композиција. На македонскиот концертен подиум, редовно е присутна со авторски концерти, но и со многубројни изведби на дела од страна на истакнати македонски и странски ансамбли и солисти.
Подготвено од А.Ѓ.
About Author
