25.10.2023 Скопје
Израел протестира откако генералниот секретар на ОН Антонио Гутереш се обиде да ја објасни мотивацијата зад нападот врз Израел од страна на терористичката група Хамас на состанокот на Советот за безбедност на ОН за Израел и Хамас.
„Исто така, важно е да се признае дека нападите на Хамас не се случија во вакуум. Палестинскиот народ беше подложен на 56-годишна окупација. Тие ја гледаат нивната земја постојано проголтана од населбите и трпат насилство; нивната економија е задушена; нивниот народ раселен и нивните огништа уништени. Нивните надежи за политичко решение, нивните неволји исчезнуваат“, рече Гутереш.
Гутереш додаде: „Тврдењата на палестинскиот народ не можат да ги оправдаат ужасните напади на Хамас. И тие страшни напади не можат да го оправдаат колективното казнување на палестинскиот народ“.
Пратеникот на Израел во ОН, Гилад Ердан изјавите на Гутереш ги нарече „шокантни“, „ужасни“ и „целосно исклучени од реалноста на нашиот регион“.
Ердан рече: „Неговите коментари се оправдување за тероризам и убиства. Жално е што човек со такви ставови е на чело на организација која е создадена по холокаустот“, рекол израелскиот пратеник во ОН.
Подготвено од А.Ѓ.
About Author
