24.10.2023 Скопје
Централната банка на Израел денеска соопшти дека одлучила да ја задржи референтната каматна стапка на 4,75 отсто.
Оваа одлука е во согласност со претходните прогнози на повеќето економисти.
Под претпоставка дека војната меѓу Израел и палестинските милитанти од Хамас ќе се концентрира на јужниот фронт во текот на четвртиот квартал од оваа година, се очекува економијата да порасне за 2,3 проценти во 2023 година и за 2,8 проценти во 2024 година, прогнозира Банката на Израел.
Ова е помалку од претходната прогноза за раст од три проценти оваа и следната година, што централната банка ја објави минатиот месец.
Војната има различни економски ефекти, како на реалната активност, така и на финансиските пазари“, се наведува во соопштението на централната банка.
Банката на Израел „се фокусира на стабилизирање на пазарот и намалување на неизвесноста, активираше програма за продажба на девизи и обезбедување ликвидност“, се додава во соопштението.
Се предвидува владиниот буџетски дефицит да се зголеми на 2,3 отсто од БДП во 2023 година и 3,5 отсто од БДП во 2024 година.
Подготвено од А.Ѓ.
About Author
