20.10.2023 Скопје
Израел го повлече дипломатскиот персонал од Турција, вклучително и амбасадорот, по серијата протести пред амбасадата во Анкара и конзулатот во Истанбул.
Властите во Тел Авив објаснија дека дипломатскиот персонал ја напуштил Турција поради безбедносни ризици и дека оваа одлука нема политичка позадина.
Медиумите во Израел јавуваат дека поради истата причина биле вратени дипломати од Јордан, Мароко и Бахреин.
Во меѓувреме, шефот за хуманитарна помош на ОН рече дека Газа има потреба од 100 камиони хуманитарна помош дневно за да влезе на преминот Рафа, еден ден откако американскиот претседател Џо Бајден и египетскиот претседател Абдел Фатах ел-Сиси постигнаа договор да дозволи влез на 20 камиони.
„Мораме да почнеме со сериозен број камиони кои доаѓаат и треба да се зголеми на 100 камиони на ден, што беше случај со програмата за помош што оди во Газа“, изјави координаторот за вонредни состојби на ОН, Мартин Грифитс.
За потсетување, Тедрос Аданом Гебрејесус, генерален директор на Светската здравствена организација (СЗО), рече дека камионите со хуманитарна помош се „натоварени и подготвени да тргнат“ веднаш штом ќе се отвори преминот Рафах на границата Египет-Газа.
Подготвено од М.Д.
About Author
