04.10.2023 Скопје
Цените на куќите во ЕУ, во вториот квартал од 2023 година, се зголемија за 0,3% во споредба со првиот квартал од 2023 година, додека кириите се зголемија за 0,7%.
Во споредба со вториот квартал од 2022 година, цените на куќите во ЕУ се намалени за -1,1%, додека кириите се зголемени за 3,0%.
Податоците на Евростат за кириите и цените на куќите покажуваат дека цените на куќите и закупнините во ЕУ следеа споредлива растечка патека помеѓу 2010 година и вториот квартал од 2011 година. По овој квартал, цените на куќите и закупнините еволуираа поинаку. Додека кириите постојано се зголемуваа во текот на овој период до вториот квартал од 2023 година, цените на куќите значително флуктуираа.
По остриот пад помеѓу вториот квартал од 2011 година и првиот квартал од 2013 година, цените на куќите останаа повеќе или помалку стабилни меѓу 2013 и 2014 година. На почетокот на 2015 година следеше брз пораст, а цените на куќите се зголемија побрзо од кириите до вториот квартал на 2022 година Во третиот квартал од 2022 година, цените на куќите се зголемија со исто темпо како и кириите (и двете +0,7% во споредба со вториот квартал од 2022 година). Од четвртиот квартал на 2022 година, цените на куќите паднаа два квартали по ред пред да доживеат мал пораст во вториот квартал од 2023 година.
Цените на куќите се повеќе од двојно зголемени во Естонија, Унгарија, Литванија, Латвија, Чешка, Луксембург и Австрија.
Помеѓу 2010 година и вториот квартал од 2023 година, цените на куќите се зголемија за 46%, а кириите за 21%.
Кога ќе се спореди вториот квартал од 2023 година со 2010 година, цените на куќите се зголемија повеќе од кириите во 20 од 27 земји на ЕУ.
Во овој период, цените на куќите се зголемија повеќе од двојно во Естонија (+211%), Унгарија (+180%), Литванија (+152%), Латвија (+144%), Чешка (+122%), Луксембург и Австрија (и двете + 120%). Намалувања беа забележани во Грција (-14%,), Италија (-8%) и Кипар (-3%).
Што се однесува до кириите, цените се зголемија во 26 земји на ЕУ со најголеми поскапувања во Естонија (+208%) и Литванија (+168%). Единствено намалување на цените на киријата е забележано во Грција (-21%).
Подготвено од А.Ѓ.
About Author
