18.10.2023 Скопје
Во вторникот берзанските индекси останаа речиси непроменети на Волстрит, бидејќи приносите на државните обврзници повторно пораснаа поради подобрите од очекуваните економски показатели.
Dow Jones зајакна 0,04 отсто, на 33.997 поени, но S&P 500 загуби 0,01 отсто, на 4.373 поени, а индексот Nasdaq загуби 0,25 отсто, на 13.533 поени. Индексите се поддржани од подобрите од очекуваните квартални деловни резултати на повеќето банки и компании.
Поради ова, аналитичарите ги зголемија проценките, па сега очекуваат дека заработката на компаниите од индексот S&P 500 е зголемена за 2,2 отсто во третиот квартал во однос на истиот период лани, додека пред седум дена се очекуваше раст од 1,3 отсто. .
Но, акциите на производителот на полупроводници беа под притисок по веста дека администрацијата на претседателот Џо Бајден може да забрани испорака на напредни чипови со вештачка интелигенција во Кина.
Како резултат на тоа, цената на акцијата на nVidia падна за речиси 5 проценти, иако компанијата соопшти дека не очекува забраната да има значително влијание врз нејзините финансиски резултати.
На пазарот негативно влијаеше и повторното заживување на приносите на државните обврзници, откако беше објавено дека продажбата на мало во САД пораснала повеќе од очекуваното во септември, што може да ја поддржи високата инфлација.
А тоа значи дека каматните стапки на американската централна банка би можеле да останат покачени подолги периоди од очекуваното.
„Денес имаше некои многу добри деловни извештаи од компаниите, но берзанските индекси удриа во ѕид поради зголемените приноси“, вели Питер Кардило, економист во Spartan Capital Securities.
Повисоките приноси ја намалуваат привлечноста на акциите бидејќи на инвеститорите им нудат високи приноси на државните обврзници без никаков ризик.
Развојот на ситуацијата на Блискиот Исток го следат и инвеститорите, а аналитичарите велат дека не очекуваат значително влијание на пазарот доколку не дојде до ескалација на конфликтот меѓу Хамас и Израел и доколку некои други земји од регионот не се приклучат на конфликтот.
И на европските берзи вчера поскапеа акциите. Лондонски FTSE индекс зајакна 0,558 отсто, на 7.675 поени, додека франкфуртски DAX порасна за 0,09 отсто, на 15.251 поен, а париски CAC за 0,11 отсто, на 7.029 поени.
Подготвено од А.Ѓ.
About Author
