20.09.2023 Скопје
Американските војници ќе ја завршат заедничката воена вежба со ерменските сили во Ерменија денес како што беше планирано, а вежбата не беше погодена од започнувањето на голема воена операција од соседен Азербејџан, изјави портпаролот на американската војска.
Портпаролот рече дека нема промени во 10-дневната вежба „Игл партнер 2023“ во која учествуваат 85 американски војници и 175 Ерменци, и покрај тоа што Азербејџан во вторникот започна, како што ја нарече, „антитерористичка“ операција во регионот Нагорно-Карабах.
„Ние бевме свесни дека тие спроведуваат операции, но не проценивме дека во тој момент постоеше некаков ризик за нашите војници, па тие останаа додека трае вежбата“, рече портпаролот.
Вежбите, кои започнаа на 11 септември, беа дизајнирани да ги подготват Ерменците да учествуваат во меѓународните мировни мисии. Се одржа на два полигони во близина на главниот град Ереван.
Ерменското Министерство за одбрана тогаш објави дека „целта на вежбата е да се зголеми нивото на интероперабилност на единиците кои учествуваат во меѓународните мировни мисии како дел од мировните операции, да се разменат најдобрите практики во контролата и тактичката комуникација“.
Подготвено од А.Ѓ.
About Author
