19.09.2023 Скопје
Азербејџан започна локална операција во Нагорно-Карабах за враќање на уставниот поредок, соопшти Министерството за одбрана на таа република.
Како што се наведува, овие мерки се преземени поради систематското гранатирање на вооружените сили на Ерменија, како и поради континуираното минирање на територијата.
Како што соопштија во Баку, армијата со високопрецизно оружје изведува напади на линијата на фронтот и во длабочина, врз позициите на единиците на ерменските вооружени сили и воените објекти. Се забележува дека „цивилното население и цивилната инфраструктура не се цели“.
Сирените за воздушен напад се огласуваат во главниот град на непризнатата Република Нагорно-Карабах, Степанакерт.
Азербејџанските медиуми јавуваат дека Баку го затвора воздушниот простор на земјата за Ерменија.
За тековните активности е информирана командата на мировниот контингент на Руската Федерација и раководството на турско-рускиот мониторинг центар, соопшти Министерството за одбрана на Азербејџан.
Карабах, кој е меѓународно признат како дел од Азербејџан, има претежно ерменско население и не е под контрола на Баку од раните 1990-ти по војната меѓу Ерменија и Азербејџан.
Азербејџан повторно зазеде делови од територијата на Нагорно-Карабах во и околу неа во војната во 2020 година.
BREAKING:
Large scale fighting has just started in Nagorno-Karabakh.
Artillery and suicide drones are in action by both sides.
It’s possible that another war between Azerbaijan and Armenia is starting in front of our eyes. pic.twitter.com/xXC0Er8fCj
— Visegrád 24 (@visegrad24) September 19, 2023
⚡️BREAKING: The Azerbaijani Defence Ministry announced the beginning of anti-terrorist measures in #Karabakh “to restore constitutional order.” pic.twitter.com/XCpziUiXnn
— KyivPost (@KyivPost) September 19, 2023
Подготвено од А.Ѓ.
About Author
