11.09.2023 Скопје
Во Германија започнаа градежните работи на далноводот СудЛинк кој ќе го поврзе Брунсбутел во Шлезвиг-Холштајн со Гросгартах во Баден-Виртемберг.
Далноводот СудЛинк ќе биде долг преку 700 километри и целта е да се снабдат деловните субјекти и домовите на југ и запад со електрична енергија произведена од ветерници на северните брегови на земјата.
Проектот СудЛинк започна со задоцнување од повеќе од десет години, поради протестите на еколозите и населението и поради тешкотиите во неговата реализација.
Пресвртна точка беше трансформацијата на СудЛинк од надземна во подземна линија. Сепак, оваа одлука резултираше со зголемување на трошоците за изградба и доцнење на почетокот на работите од најмалку четири години.
Според првичните планови, инфраструктурата требаше да биде завршена во 2022 година. Рокот потоа беше поместен до 2026 година, а сега до 2028 година, со веќе одобрени само 17 километри од трасата.
Подготвено од А.Ѓ.
About Author
