14.09.2023 Скопје
Британскиот министер за внатрешни работи Суела Браверман денеска го нападна лидерот на лабуристите Кир Стармер, обвинувајќи го дека сака да го направи Обединетото Кралство „депонија“ за мигрантите од ЕУ преку неговиот предлог против илегалната имиграција.
Стармер денеска го претстави планот според кој Велика Британија ќе прифати квота на баратели на азил кои пристигнуваат во Европа.
ЕУ, во замена, треба да ги реапсорбира своите мигранти кои илегално пристигнуваат во Обединетото Кралство откако ќе го преминат Каналот.
Според она што утринава го објавија британските медиуми, планот на Стармер ќе биде спроведен доколку Лабуристичката партија победи на следните избори.
Некои водечки членови на партијата, веруваат дека Обединетото Кралство веројатно ќе може да постигне договор за репатријации, но само доколку Лондон се согласи да го подели товарот на барателите на азил кои стигнуваат до европскиот континент.
Стармер претходно гарантираше дека неговата партија сепак нема да продолжи да го спроведува конзервативниот план, кој се состои едноставно од забрана на илегалните мигранти кои пристигнуваат преку Ла Манш да бараат азил.
Подготвено од М.Н.
About Author
