12.09.2023 Скопје
УНИЦЕФ соопшти дека околу 100.000 деца се во опасност од силен земјотрес во Мароко.
Агенцијата на ОН истакна дека веќе мобилизирала хуманитарен персонал за да обезбеди итна помош на терен во координација со властите.
Во соопштението се предупредува дека ненадејните земјотреси во наредните денови и недели ќе ги изложат децата и нивните семејства во дополнителен ризик.
Обединетите нации проценуваат дека повеќе од 300.000 луѓе се загрозени од петочниот земјотрес со јачина од 6,8 степени, 72 километри југозападно од Маракеш и во планините Висок Атлас.
УНИЦЕФ соопшти дека сè уште не е познат точниот број на загинати и повредени деца во земјотресот и дека најновите проценки од 2022 година покажуваат дека децата сочинуваат речиси една третина од населението во Мароко.
Во соопштението се посочува дека во земјотресот се уништени и оштетени училишта, болници и други медицински и образовни институции, што дополнително ја влошува состојбата на децата.
УНИЦЕФ ги поддржува децата во Мароко од 1957 година, а отвори канцеларија во таа земја во 1978 година.
Повеќе од 2.800 луѓе загинаа, меѓу кои и деца, а илјадници се повредени во земјотресот, соопшти Министерството за внатрешни работи на Мароко.
Надлежните стравуваат дека овие бројки ќе се зголемат.
Подготвено од А.Ѓ.
About Author
