06.09.2023 Скопје
Министерството за трговија на Тунис работи на ревидирање на договорот за слободна трговија со Турција, со цел да се намали трговскиот дефицит кој во моментов е во корист на Анкара за најмалку 4 милијарди динари (1,2 милијарди евра).
Според туниските национални медиуми, туниските власти имаат намера да го прошират опсегот на турски производи исклучени од привилегираниот режим на националниот пазар.
Според економскиот експерт Езедин Сајдане, „турската стока влегува слободно, без дозвола и без царина“, додека Тунис не може да има исто ниво на извоз поради големата разлика во големината на двете економии. Сајдан открива дека неколку мали и средни туниски компании ги затвориле вратите поради инвазијата на турска стока на тунискиот пазар, но и на либискиот.
Според експертот, Тунис може да заштеди до 1,8 милијарди евра годишно со елиминирање на непотребниот и штетен увоз, генерално во форма на потрошен материјал што им служи само на интересите на некои од институциите што ги снабдуваат.
Тунис и Турција го потпишаа трговскиот договор во ноември 2004 година, додека стапувањето во сила датира од јуни 2005 година.
Подготвено од М.Н.
About Author
