18.09.2023 Скопје
Генералниот секретар на НАТО, Јенс Столтенберг, изјави дека Западот мора да се подготви за долга војна во Украина. Тој рече дека конфликтот во Украина нема да заврши додека Русија не го „положи оружјето“.
И покрај тврдењето дека сака „брз мир“ во Украина, Столтенберг потенцира дека сè уште ја поддржува целта на претседателот Володимир Зеленски за воена победа над Русија.
„Повеќето војни траат подолго од очекуваното кога започнаа. Затоа мораме да се подготвиме за долга војна во Украина“, изјави Столтенберг.
Тој рече дека ако претседателот Зеленски и Украинците престанат да се борат, нивната земја повеќе нема да постои.
„Сите сакаме брз мир. Ако претседателот Путин и Русија го положат оружјето, ќе имаме мир“, рече Столтенберг.
Според извештаите на медиумите во изминатите два месеци, западните официјални лица и воените планери признаа дека контраофанзивата на Украина против руските сили веројатно нема да успее, оставајќи ги линиите на фронтот главно непроменети како што се приближува зимата.
По напуштањето на мировниот договор со посредство на Турција во април минатата година, Зеленски издаде декрет за забрана на сите преговори со Русија. Покрај тоа, тој постојано ветува дека ќе ги врати поранешните украински региони Доњецк, Луганск, Керсон и Запорожје, како и Крим.
Русија тврди дека е отворена за дипломатско решение на конфликтот, но дека секој мировен договор треба да ја земе предвид „новата територијална реалност“, односно дека Доњецк, Луганск, Керсон, Запорожје и Крим никогаш нема да бидат вратени на Украина.
Подготвено од А.Ѓ.
About Author
