19.09.2023 Скопје
Специјалниот советник на американскиот Стејт департмент, Дерек Шоле, побара од Приштина итно да започне дијалог со Белград, со цел нормализирање на односите.
Шоле на социјалната мрежа X (Твитер) изјави дека во Њујорк разговарал со претседателката на приштинските институции, Вјоса Османи, за деескалација на тензиите на Косово и Метохија и „итно вклучување во дијалогот за нормализација, со посредство на ЕУ, на односите со Србија“, што е клучно за регионалната стабилност и европските интеграции.
„Добар разговор со претседателката Вјоса Османи за нашата заедничка посветеност на евроатлантската иднина на Косово, потребата од деескалација на тензиите и итен ангажман во дијалогот што се води преку ЕУ со цел нормализирање на односите со Србија – што е клучот за регионалната стабилност и интеграцијата во ЕУ“, рече Шоле.
Османи претходно на Твитер изјави дека за дијалогот меѓу Белград и Приштина разговарала со Шоле и специјалниот пратеник на САД за Западен Балкан, Габриел Ескобар.
Таа наведе дека во разговорот било истакнато дека улогата на САД е клучна за успешно завршување на дијалогот и дека е нагласена важноста од принципиелен пристап за целосно и рамномерно спроведување на постигнатите договори.
„Со Шоле и Ескобар разговаравме за развојот на настаните во рамките на дијалогот. Беше нагласена важноста од принципиелен пристап за целосна и рамномерна имплементација на договорот и дека улогата на САД е клучна за успешно завршување на процесот, што го отвора патот за меѓусебно признавање“, тврди Османи.
Подготвено од А.Ѓ.
About Author
