05.09.2023 Скопје
Пакистанскиот премиер Анвар-ул-Хак Какар изјави дека Саудиска Арабија ќе инвестира до 25 милијарди долари во Пакистан во следните две до пет години во различни сектори, наведувајќи дека неговата влада ќе го оживее закочениот процес на приватизација.
Зборувајќи за новинарите во неговата официјална резиденција, Какар рече дека Саудиска Арабија ќе инвестира во рударството, земјоделството и информатичката технологија како дел од напорите за зголемување на странските директни инвестиции во Пакистан.
Доколку се потврди, серијата инвестиции вредни 25 милијарди долари ќе бидат најголемите инвестиции на Саудиска Арабија во Пакистан.
Долгогодишниот сојузник на Ријад, Пакистан се соочува со криза во платниот биланс и му се потребни милијарди долари за да го финансира трговскиот дефицит и да ги отплати меѓународните долгови во тековната финансиска година.
Какар не прецизираше во кои проекти Ријад сака да инвестира, но минатиот месец Berik Gold Korp (ABX.TO) рече дека е отворен за внесување на фонд од Саудиска Арабија како еден од нејзините партнери во пакистанскиот рудник за злато и бакар Реко Дик.
Подготвено од А.Ѓ.
About Author
