07.09.2023 Скопје
Бурата Даниел, која веќе три дена ја уништува Грција, го погоди и центарот на Атина. Вчера наутро имаше спорадични врнежи во предградијата, но од 16 часот состојбата се влоши, со обилни врнежи од дожд во главниот град и Пиреја, придружени со интензивни грмежи.
Државниот автопат Атина-Солун е затворен во двата правци од клучката Ница до границата на Лариса со Магнезија.
Во овој момент, според информации од полицијата, сообраќајот е во прекин во двата правци во Пиреја од улицата Петра Ралија до улицата Хамостернас поради акумулација на вода.
Дополнително, од истата причина, сообраќајот беше запрен и на авенијата Посидонос, во сообраќајниот тек кон Глифада, од висината на излезот кон авенијата Сингро.
Сообраќајот беше прекинат и на авенијата Константину Караманлија, во близина на болницата Асклипиеиу Вулас, на пат кон Атина.
Грчката цивилна заштита од утрово издаде трето предупредување за населението кое живее во областа на Олимпискиот регион. Се предупредуваат граѓаните да останат дома во следните 24 часа поради опасност од невреме.
Подготвено од А.Ѓ.
About Author
