12.09.2023 Скопје
Заменик министерот за внатрешни работи на Полска, Мачеј Васик, изјави дека Полска распореди 10.000 војници на границата со Белорусија.
„Границата значително ја зајакнавме. Покрај изградената бариера, која е од големо значење и исклучително корисен периметарски систем, сега има 10.000 војници, од кои 6.000 се во кампот, а 4.000 директно на границата, има 5.000 граничари и речиси 1.000 полицајци“, изјави Васик.
Десетици илјади мигранти се собраа во средината на 2021 година на границата меѓу Белорусија и Полска, како и соседните Латвија и Литванија, во обид да влезат во ЕУ.
Полските власти ја зајакнаа граничната контрола, испратија војска и ја обвинија Белорусија за „организирање на мигрантската криза“. Минск ги отфрли обвинувањата и ја обвини Варшава за искористување на наративот за мигрантската криза за агресивно враќање на мигрантите на белоруска територија.
Подготвено од А.Ѓ.
About Author
