26.09.2023 Скопје
Сместен на брегот на Финска во Балтичкото Море, островот по име SuperShe е веројатно еден од најспецифичните во светот.
Имено, пред неколку години, една претприемачка ја продаде својата компанија и го купи ова парче рај на Земјата, со цел да создаде совршена оаза исклучиво за жени. Сите припаднички на понежниот пол можат да поминат неколку дена на овој остров и да се посветат на себе, на своето тело, ум, душа.
Заедницата попозната како SuperShe, која ги обединува жените ширум светот за да си помагаат меѓусебно да живеат здрави, овластени животи, е замисла на Кристина Рот, која до пред неколку години водеше консултантски бизнис вреден неколку милиони евра. Таа одлучи да ја продаде својата компанија за да проба нешто сосема ново.
„Решив да ја фокусирам својата енергија на нешто забавно и нешто што ме инспирира, па создадов мрежа од силни жени. Така дојдов до идејата за островот SuperShe. Сакав да им дадам простор на жените да бидат свои и да учат од секоја друго, далеку од надворешниот свет“, изјави оваа успешна жена за која пишуваа највлијателните светски медиуми при лансирањето на проектот.
Откако проектот беше лансиран во 2018 година, островот ја освои имагинацијата на жените ширум светот кои ја прифатија неговата убавина и осаменост, користејќи го како лек за душата и катализатор за креативност.
Овде, на оваа карпеста, борова пустелија е заштитен простор ослободен од притисоците на секојдневниот живот во општество во кое доминираат мажи.
„Нашиот остров SuperShe е подмладителен и безбеден простор каде жените можат повторно да се откријат себеси и своите желби – место каде што можат да бидат свои“, вели Рот.
Воздухот на овој остров е еден од најчистите во светот, збогатен со мирис на бор, кој е вистински мелем за душата и телото.
Активностите главно се фокусирани на здравјето и благосостојбата на жените, вклучително и јога, медитација, часови за готвење, како и поенергични активности како што се педлбординг и пливање.
За оние кои претпочитаат мирен одмор меѓу дрвјата, има можности за потрага по храна во шумата, додека плажата со златен песок нуди место за сончање. Модерните хамакови и места за релаксација ги повикуваат посетителите да се релаксираат таму со добра книга.
Подготвено од А.Ѓ.
About Author
