06.09.2023 Скопје
Претседателот на Кина, Си Џинпинг, наводно бил укорен од високи лидери на Комунистичката партија за тешкотиите со кои се соочува земјата, по повод годишниот „летен самит“ на партијата што се одржува во приморското одморалиште Беидаихе, во провинцијата Хебеј.
Иако овој самит се одржуваат зад затворени врати, деталите за последното повлекување на кинеското комунистичко раководство што се одржа оваа година помеѓу крајот на јули и првите денови на август, почнуваат да циркулираат дури во овие денови и појавија знаци на „турбуленции“ во внатрешната политика на првата азиска сила.
Во медиумите се наведува дека овогодинешниот состанок на Беидаихе бил многу поразличен од десетте претходни изданија одржани од 2012 година, кога претседателот Си Џимпинг ја презеде функцијата генерален секретар на Партијата.
Група поранешни високи функционери, наводно, првпат го прекорувале Си за обраќањето во земјата, а претседателот подоцна ја изразил својата фрустрација поради критиките добиени во присуство на неговите најблиски соработници.
Во последните месеци од Кина дојдоа неколку знаци на превирања. Економијата страда од невидено забавување од периодот на „реформи и отворање“ што започна кон крајот на 1970-тите, секторот на недвижности е во тешка криза, а доказ за тоа е тешкотијата на гигантот Evergrande Group.
Стапката на невработеност кај младите порасна до тој степен што властите летово престанаа да објавуваат официјални податоци.
Тензиите ги погодија и вооружените сили, по смената на двајца генерали на ракетните сили, што стана познато во јавноста во јули. Поранешниот министер за надворешни работи Чин Ганг самиот беше сменет од функцијата без официјални објаснувања.
Подготвено од М.Н.
About Author
