25.09.2023 Скопје
Кина нагло го намали увозот на морска храна од Јапонија откако Токио почна да испушта вода од нуклеарната централа Фукушима во морето.
Податоците од кинеската царина покажуваат дека вредноста на увозот на морска храна од Јапонија падна за 67 отсто во август во споредба со истиот месец минатата година, на околу три милијарди јапонски јени или околу 19 милиони евра.
Јапонската Тепко, операторот на нуклеарната централа Фукушима, на 24 август почна да пумпа повеќе од милион тони вода од централата во морето, што наиде на критики од Кина и локалните рибарски заедници.
Кинеското Министерство за надворешни работи тогаш рече дека испуштањето вода од Фукушима е „крајно себичен и неодговорен чин“, додека Тепко и јапонските владини претставници тврдеа дека тоа нема да влијае на морскиот живот или здравјето на луѓето.
Кина е најголемиот пазар за јапонски морски плодови, а Пекинг го прекина увозот на овој вид стоки од Јапонија на крајот на август.
Подготвено од А.Ѓ.
About Author
