04.09.2023 Скопје
Иницијативата на новиот Пат на свилата (Иницијатива за појас и пат, БРИ), започната пред десет години од страна на кинескиот претседател Си Џинпинг, произведе заеднички просперитет и развој и има уште долг пат да помине.
Оваа иформација е објавена во едиторијалот на кинеските медиуми, произнесена од кинескиот амбасадор во Токио, Ву Џиангхао, по повод десетгодишнината од амбициозната кинеска иницијатива.
„Во текот на изминатата деценија, новата платформа за соработка наиде на широко позитивен прием и вроди со плод под филозофијата на заемно корисна соработка“, соопшти Ву.
Амбасадорот потсети дека до денес, Кина има потпишано „200 договори за заеднички градежни проекти со 152 земји и 32 меѓународни организации и има преземено над 3.000 кооперативни проекти“ во рамките на БРИ.
По лансирањето на БРИ, Пекинг ги основа Азиската банка за инфраструктурни инвестиции и Фондот на патот на свилата „за да обезбеди инвестициски и финансирачки средства за промовирање на ефективна соработка со Светската банка и други институции“.
Трговијата со стоки меѓу Кина и земјите кои се приклучија на иницијативата е двојно зголемена од 2013 година, достигнувајќи 2,07 трилиони долари минатата година, а взаемните инвестиции надминаа 270 милијарди долари и отворија над 400.000 работни места.
Според амбасадорот, инфраструктурните работи извршени благодарение на БРИ ги подобрија перспективите за економски развој на многу земји.
Амбасадорот се повикува на податоци од Светска банка, според кои земјите кои се приклучиле на иницијативата бележат зголемување на трговските текови од 4,1 отсто и капиталните текови од 5 отсто, додека земјите со ниски приходи го забележале својот БДП растат за 3,4 проценти.
Според прогнозите дадени од кинескиот амбасадор, до 2030 година, БРИ ќе генерира глобални приходи од 1,6 трилиони долари годишно и ќе помогне да се извлечат речиси 40 милиони луѓе од сиромаштија.
Подгтвено од М.Н.
About Author
