20.09.2023 Скопје
Генералниот секретар на ОН, Антонио Гутереш, денеска изрази огромна загриженост поради извештаите за жртви во Нагорно Карабах и повика на итен прекин на непријателствата.
„Генералниот секретар е крајно загрижен за употребата на воена сила во регионот и извештаите за жртви, вклучувајќи го и фактот дека има жртви меѓу цивилното население. Генералниот секретар силно повикува на итен прекин на непријателствата, ескалација и построго почитување на примирјето од 2020 година“, соопштија од неговата канцеларија.
Гутереш, како што е наведено, „останува загрижен за хуманитарната ситуација на теренот“ и го повторува својот повик за итни чекори за олеснување на хуманитарниот пристап до луѓето на кои им е потребна.
„Тој ги повикува страните да ги пренасочат напорите за да помогнат во градењето доверба и да се обезбеди долгорочен мир во регионот“, се вели во соопштението.
Азербејџан испрати војници поддржани од артилерија да го нападнат отцепениот регион Нагорно-Карабах, контролиран од Ерменија, во вторникот, оставајќи десетици цивилни жртви и зголемувајќи ја заканата од нова војна со соседна Ерменија.
Подготвено од А.Ѓ.
About Author
