27.09.2023 Скопје
Интересно е што во претходните верзии Google нудеше можност за пребарување на бараните резултати со помош на други пребарувачи, поврзани на дното на страницата.
Многу од нив, како Алтависта, веќе не се во функција.
Единствени исклучоци се Yahoo и Amazon.
До 1993 година, Интернетот се индексираше рачно, но како што стануваа достапни се повеќе веб-страници, потребни беа повеќе опции за брзо пребарување на информации од неговата база на податоци.
Во 1998 година, двајца докторанти на Стенфорд, Лери Пејџ и Сергеј Брин, имаа едноставна идеја што ќе го промени светот.
Го нарекоа Google.
Интересно е тоа што Google беше основан и изграден во студентската соба на Пејџ и Брин, при што првиот сервер користеше 10 хард дискови од четири гигабајти кои беа целосно обвиткани во лего школка.
На почетокот, платформата беше позната како BackRub, бидејќи се потпираше на линкови до други сајтови. Ова, сепак, не траеше долго и на крајот го доби името Google.
Името Google е изведено од игра на зборови на математички израз – googol.
Она што започна како сервер оттогаш се прошири во апликации, платформи за социјално вмрежување, вештачка интелигенција (ВИ), очила, автомобили, па дури и стана глагол на англискиот јазик.
Фразата „Google“ за прв пат беше употребена во една епизода од култната телевизиска серија од 1990-тите, „Бафи убиецот на вампирите“.
Првиот производ што го лансираше денешниот глобален интернет гигант – страницата Google Search, беше промовиран на 27 септември 1998 година.
Google им понуди на корисниците голем број различни производи и услуги.
Меѓу нив, покрај Google Search, два се меѓу најпопуларните и користени во светот: услугата за е-пошта – Gmail и најраспространетиот оперативен систем за мобилни уреди во светот – Android.
Според статистиката на матичната компанија Alphabet, вредноста на Google во септември 2023 година изнесува повеќе од 1,7 трилиони долари.
Подготвено од А.Ѓ.
About Author
