12.09.2023 Скопје
Иницијативата за економски коридор Индија-Блискиот Исток-Европа (IMEC), започната на самитот на Г-20 во Њу Делхи, Индија, е одговор на кинеската иницијатива „Појас и пат“ (BRI), но има и цел да го промовира обновувањето на односите меѓу Израел и Саудиска Арабија, поддржани од Соединетите Американски Држави, чие историско значење би било еднакво на раздвижувањето меѓу Ријад и Техеран со посредство на Пекинг.
Од една страна, како што истакна премиерот Бенјамин Нетанјаху, Израел ќе биде една од земјите вклучени во проектот, поради неговата стратешка позиција на Медитеранот. Од друга страна, преговорите за IMEC беа можни само врз основа на детант помеѓу администрацијата на претседателот Џо Бајден и наследникот на саудискиот престол, Мохамед бин Салман, запечатени со топлото ракување меѓу двајцата по повод презентација на иницијативата.
Иако не се целосно надминати, тензиите меѓу нив во последните години се чини дека се намалуваат.
Локалните медиуми објавија дека САД и Саудиска Арабија работат на договор за соработка во стратешкото поле на ретките земји и критичните минерали, предизвикувајќи ја Кина во снабдувањето со кобалт, литиум и други метали фундаментални за производство на литиум-јонски батерии за полнење, кои се користат за напојување на електрични автомобили, компјутери и паметни телефони.
Коридорот ќе вклучува инфраструктура за транспорт на чиста енергија, железничка врска помеѓу стратешките пристаништа од Азија до Блискиот Исток и систем за бродска рута. Последните два ќе бидат поделени на „источен коридор“ од Азија до Персискиот залив и „западен коридор“ од Заливот до Европа.
Земјите кои ќе ја водат имплементацијата, за кои саудискиот престолонаследник Мохамед бин Салман побара да се забрза процесот, покрај САД и Саудиска Арабија, се и Индија, земјите членки на Европската унија и Емиратите.
Подготвено од М.Н.
About Author
