29.09.2023 Скопје
Земјотресот со јачина од 4,2 степени според Рихтер во близина на Неапол, каде што „заспаните“ вулкани Везув и т.н. супервулканот Кампи Флегреј со многу поголема максимална експлозивност, поттикна некои научници да побараат евакуација на областа Агнано-Солфатара и проверка на ранливоста на зградите.
Која е врската помеѓу земјотресите и ерупциите? Дали ерупцијата и се заканува само на Италија или е можна катастрофа од пошироки размери?
Последната ерупција на Кампи Флегреј, вулкан чиј кратер е под морето, е забележана во 1538 година, но областа е изложена на постојани земјотреси. Само во април годинава таму се регистрирани повеќе од 600 мали потреси, а земјотресот кој имаше епицентар во раните утрински часови во средата беше најсилниот во серијата земјотреси во последните недели.
Некои вулканолози со години предупредуваат дека на Кампи Флегреј се заканува ерупција бидејќи неговата кора станува се потенка и склона кон пукање.
Нело Мусумечи, министер за цивилна заштита на Италија, рече дека во моментов се работи на анализа на ранливоста на територијата и на комуникацискиот план за населението, додека се ажурира планот за вонредни состојби и рутата за евакуација на населението. Иако официјалните лица не спомнаа евакуација, во текот на вчерашниот ден е забележан зголемен метеж на железничката станица во Неапол, делумно поради доцнење на возот поради безбедносни проверки по земјотресот.
Д-р Дражен Бален од Катедрата за геологија на Природно-математичкиот факултет во Загреб вели дека областа Неапол, во случај на вулканска ерупција, е исклучително опасна средина поради густата населеност. Но, во овој момент научната јавност не е вознемирена, т.е. ништо во глобалните показатели за вулканска активност не укажува на зголемена активност на Везув и Кампи Флегреј.
Последниот рутински аларм беше објавен за Стромболи, активен вулкан на истоимениот остров, кој го нарекуваат и „светилникот на Медитеранот“, бидејќи, покрај речиси континуираните експлозии кои испуштаат гасови, се карактеризира и со повремена ерупции на лава. Се разбира, ситуацијата на „вулканскиот радар“ може наеднаш да се промени.
„Теоретски, постои многу висока потенцијална опасност за областа Неапол, но не постои начин директно да се предвиди, освен непосредно пред ерупцијата“, истакнува професорот Бален.
Подготвено од А.Ѓ.
About Author
