07.09.2023 Скопје
Оливер Вархеји, еврокомесарот за проширување, изјави дека Европската комисија треба да биде подготвена да прими нови членки до крајниот рок што неодамна го има предложено претседателот на Европскиот совет, Шарл Мишел.
На прес-конференцијата во Анкара, Вархеји истакна дека е многу среќен што конечно гледа дека земјите-членки почнуваат да се движат и политички да се мобилизираат и дека се подготвени политички да инвестираат за да има нови членки на Европската унија до 2030 година.
Минатата недела високиот претставник на ЕУ за надворешна политика и безбедност, Жозеп Борел, го поздрави рокот за продолжување, велејќи дека тоа ќе ја „мобилизира енергијата на ЕУ и земјите кандидати“.
Вархеји, за време на неговата посета на Анкара, ги сруши сите надежи дека Турција може да се приклучи на Унијата во блиска иднина.
Еврокомесарот истакна дека пристапните преговори моментално се во застој, а за нивно рестартирање постојат многу јасни критериуми поставени од Европскиот совет, а кои се однесуваат на демократијата и владеењето на правото.
Подготвено од А.Ѓ.
About Author
