29.09.2023 Скопје
Амстердам планира да го зголеми данокот за ноќевање на 12,5 отсто од цената на хотелската соба, додека патниците на бродовите за крстарење ќе плаќаат 11 евра по лице, наместо досегашните осум евра.
„Амстердам ќе има највисока туристичка такса во Европа кога ќе има ново зголемување следната година“, изјави функционерот за градски финансии Хестер ван Бурен.
Според неа, весникот имплицира дека туристите ќе плаќаат просечен данок од 22 евра за ноќ, наместо досегашните 15 евра за соба чие изнајмување чини 175 евра, што, како што наведе, е четврти највисок данок во светот.
Градската администрација планираше пониско покачување, но одлучи да ја зголеми стапката по притисокот од Советот.
Од туристичката такса градот следната година очекува да собере вкупно 65 милиони евра.
Целта, рече Ван Бурен, е да се платат услугите за локалните жители, а не нужно да се обесхрабруваат луѓето да го посетат градот.
„Тоа е балансирачки чин и проценка. Се разбира, би било добро ако високите даноци помогнаа во борбата против прекумерниот туризам, но исто така ќе донесе и помал приход“, истакна Ван Бурен.
Таа истакна дека разговарала со други градови кои се борат со голем број туристи, како што се Венеција и Барселона.
„Треба да размислиме како можеме да ги натераме дневните посетители да плаќаат некаков градски данок“, додаде таа.
Во наредните недели, градскиот совет ќе разговара за буџетот со Ван Бурен и ќе изврши притисок за промени што ќе се проценат дека се неопходни.
Конечниот буџет ќе биде усвоен во ноември.
Главниот град на Холандија се бори со зголемен број туристи, а градот во моментов спроведува голем пакет мерки за борба против прекумерниот туризам со цел да се ограничи бројот на домашни и странски посетители на 20 милиони.
Амстердам презеде многу мерки за намалување на туризмот, особено во преполниот центар на градот.
Оваа година, градот забрани пушење канабис во областа на црвено светло, воведе порано затворање на баровите и установите за сексуална работа и најави планови за ограничување на работата на објектите за ноќевање со појадок.
Градскиот совет, исто така, ги поддржа плановите за преместување на бродовите за крстарење надвор од центарот на градот, а градоначалничката Фемке Халсема сè уште работи на нејзиниот контроверзен план за еротски центар кој би ги преселил сексуалните работници и нивните посетители од областа на црвено светло.
Подготвено од А.Ѓ.
About Author
