16.08.2023 Скопје
Рускиот претприемач Павел Дуров првпат ја претстави на светот апликацијата Телеграм пред 10 години, која ја прослави својата годишнина со 800 милиони активни корисници.
Оваа апликација во јули ја користеле во просек 54,3 милиони луѓе на дневна основа, со што првпат успеала да ја престигне руската социјална мрежа ВКонтакте, чиј основач е исто така Дуров.
Телеграмата ја користат 81,2 милиони граѓани на Русија, кои ја нарекуваат „Тјељега“, што може да се преведе како „Таљиге“. На растот на бројот на корисници на оваа апликација значително влијаеше почетокот на специјалната воена операција во Украина, бидејќи Телеграм го користеа 27,5 милиони корисници дневно во февруари 2022 година, а 40,6 милиони луѓе следниот месец.
Затоа, две и пол години по лансирањето, Телеграм доби 100 милиони активни корисници, а луѓето често се префрлаа на оваа платформа поради блокираниот пристап до конкурентните апликации како Вибер или Инстаграм.
Откако Твитер го забрани пристапот до поранешниот американски претседател Доналд Трамп во 2021 година, бројот на корисници на Телеграм се зголеми за 25 милиони луѓе за три дена.
Сепак, апликацијата беше блокирана во Русија од април 2018 година до јуни 2020 година, бидејќи одби да и дозволи на Федералната служба за безбедност (ФСБ) пристап до информациите шифрирани на неа.
И покрај забраните во Русија и некои други земји, Телеграм беше преземен од 310 милиони луѓе во 2022 година, што ја прави шестата најсимнувана апликација.
Минатата година најголем број нови преземања на Телеграма се забележани во Индија – 104 милиони, Русија – 34,4 милиони, Индонезија – 27,2 милиони, но и во САД – 26,9 милиони. Во мај 2015 година, Google дури размислуваше да го купи Telegram, проценувајќи ја неговата вредност на 1 милијарда долари во тоа време.
Во 2021 година руската инвестициска банка ВТБ Капитал проценила дека вредноста на Телеграм, чие седиште сега е во Дубаи, би можела да достигне дури 124 милијарди долари, пренесува „Телеграм“.
Подготвено од А.Ѓ.
About Author
