25.08.2023 Скопје
Шпанските власти соопштија дека, во пристаништето Алгесирас, на југот на земјата, во средата е запленета досега најголемата пратка кокаин во Шпанија – 9.436 килограми.
Во заедничкото соопштение на полицијата и царината, се наведува дека тоа е најголемата откриена пратка на дрога во земјата.
Дрогата била скриена во разладен контејнер во кој се транспортирале банани од Еквадор, соопштија властите на Шпанија.
Засега не е познато дали и колку лица се приведени во оваа полициска акција.
Подготвено од М.Н.
About Author
