05.08.2023 Скопје
Саудиска Арабија ќе биде домаќин на разговори за војната во Украина и се очекува денеска да пристигнат претставници од околу 40 земји.
Официјална Русија нема да присуствува на состанокот.
Владата на Саудиска Арабија објави дека земјата е подготвена да придонесе за постигнување решение кое ќе резултира со траен мир во Украина.
Украинскиот претседател Володимир Зеленски изјави дека средбата во Џеда е уште еден чекор кон глобален мировен самит. Зеленски го поздрави широкиот спектар на земји претставени во разговорите во Џеда, вклучително и земјите во развој кои се тешко погодени од порастот на цените на храната предизвикани од војната.
Состанокот на советниците за национална безбедност и други официјални лица во крајбрежниот град Џеда на Црвеното Море ја нагласува „подготвеноста на Ријад да ги вложи своите добри функции за да придонесе за постигнување решение што ќе резултира со траен мир“, соопштија вчера властите на таа држава.
Домаќин на Самитот ќе биде принцот Мохамед бин Салман бин Абдулазиз Ал Сауд, престолонаследник и премиер на Саудиска Арабија.
Подготвено од А.Ѓ.
About Author
