01.08.2023 Скопје
Според една нова студија, генетиката игра голема улога во атлетските перформанси и одговорот на една личност на тренинзите.
Истражувачите од Универзитетот во Есекс откриле дека помалку од 31% од луѓето имале уникатна способност за да го искористат максимумот од тренинзите.
Тие открија дека врвните изведувачи имаат комбинација од 19 клучни варијанти на гени поврзани со перформансите на трчање.
Хенри Чунг, кој ја водеше студијата, рече дека тоа покажало „ДНК кое може да направи вистинска разлика во тоа колку можете да ги надминете своите граници“.
Студијата вели дека оние со клучното генетско кодирање се подобриле во просек за 11,5% по осум недели тренинг за издржливост.
Оние без клучните генски варијанти, познати како единечни нуклеотидни полиморфизми, покажале мало или никакво подобрување дури и кога биле изложени на истиот тренинг.
Универзитетот соопшти дека е прв пат, во комбинација, „сите овие клучни маркери кои предизвикуваат успех“ да бидат заедно наведени и испитани од научниците.
Д-р Чунг рече: „Оваа студија го поддржува фактот дека генетиката игра голема улога во атлетските перформанси и одговорите на тренинзите. Без разлика дали сте елитен натпреварувач или тренирате за забавно трчање, вашата ДНК може да направи вистинска разлика во тоа колку можете да ги надминете своите граници“.
Но, рече тој, „не се лоши вести ако ги немате овие“.
„Она што е навистина важно е излегувањето, тренинзите и активното работење“, рече тој.
„На крајот на краиштата, навистина не е важно кои гени се скриени во вашето тело ако не живеете активен живот и не ги користите. Како што велат, напорната работа секогаш ќе го победи талентот доколку талентот одбие да работи напорно“, истакна Чунг.
Како дел од студијата, тој спроведе лабораториски и теренски тестови, каде што и мажите и жените на возраст меѓу 20 и 40 години беа следени два месеци.
Тој го користел тестот Купер за мерење на перформансите, кој војската го користи за да воспостави аеробна кондиција.
Од учесниците беше побарано да трчаат колку што можат за 12 минути со трчање по обележана патека низ осумнеделното истражување.
Од илјадниците анализирани гени, сите најдобри изведувачи ги имаа истите варијанти поврзани со генот „ACTN3“, кој е поврзан со приспособливост, брзина и моќ, подобрена сила и намалени повреди.
Подготвено од А.Ѓ.
About Author
