23.08.2023 Скопје
Резервите на течен природен гас (GNL) на јапонските производители и дистрибутери на електрична енергија паднаа на најниско ниво за повеќе од една година, поради зголемувањето на потрошувачката на енергија поврзана со климатизацијата и последиците врз логистиката од тајфуните што ја погодија Источна Азија во последните недели.
Ова го потврдуваат денеска објавените податоци од јапонското Министерство за индустрија, според кои на 20 август резервите на GNL што ги чуваат јапонските енергетски компании изнесувале 1,81 милиони тони, што е најниска бројка од април 2022 година.
Јапонските комунални претпријатија имаат околу половина од вкупните резерви на GNL во земјата.
Јапонија и Кина се најголемите увозници на GNL во светот, но Токио неодамна го намали увозот благодарение на рестартирањето на некои нуклеарни реактори и маргиналното зголемување на производството на енергија од обновливи извори.
Подготвено од М.Н.
About Author
