29.08.2023 Скопје
Полскиот претседател Анджеј Дуда потпиша амандман на здравствената легислатива со која низа лекови ќе бидат достапни бесплатно за малолетници и постари лица над 65 години.
Списоците со бесплатни лекови, едниот за малолетници, а другиот за стари лица, ќе ги објави Министерството за здравство.
Прогласувањето на законот го поддржува ветувањето што го даде претседателот на партијата Право и правда (Пис), Јарослав Качински, во мај.
Во меѓувреме, бројот на починати лица од бактеријата Legionella pneumophila во Жешов, југоисточна Полска, се искачи на 14, додека пак, бројот на заразени е вкупно 159, соопшти градскиот здравствен инспекторат (Санепид).
Од вкупниот број на регистрирани, дури 103 од заразените се жители на главниот град на Субкарпатија.
Подготвено од М.Н.
About Author
