30.08.2023 Скопје
Премиерот на Унгарија, Виктор Орбан, изјави дека западното сфаќање дека Украина има предност во конфликтот е лага, а „Русија е невозможно да се победи“.
„Украинците се „неконкурентни“ без помошта на Западот и затоа САД го имаат клучот за мирот во регионот“, истакна унгарскиот премиер Орбан.
Коментирајќи го мислењето што преовладува во САД дека Украина победува, Орбан истакна дека тоа е лага, потенцирајќи дека тоа не е само недоразбирање, туку лага и тоа, според него, е невозможно.
„Секој во политиката кој разбира логика, бројки, податоци – нема шанси“, додаде тој.
Орбан посочи дека Украина ќе остане без војници пред Русија.
Според американскиот ТВ новинар Такер Карлсон, бројот на убиените Украинци во војната изнесува стотици илјади, а Орбан смета дека меѓу нив има и етнички Унгарци.
Обидот на која било западна земја да испрати свои војници во Украина би значел „директна војна“ меѓу Западот и Русија.
„И веднаш ќе се најдеме во третата светска војна. Значи, сега е многу опасен момент“, оцени премиерот.
Според Орбан, Русите нема да го предадат својот лидер, тие ќе ја чуваат земјата да не се распадне и ќе ја заштитат, ќе инвестираат повеќе пари и ќе произведуваат повеќе оружје од нивните противници.
„Затоа не треба погрешно да ги разберете Русите“, рече Орбан.
Доколку унгарскиот премиер Орбан би бил на чело на НАТО и доколку би бил на местото на американскиот претседател Џо Бајден, Орбан би спровел веднаш мир и веднаш би го повикал поранешниот американски претседател Доналд Трамп.
Тој додаде дека ако САД сакаат да го вратат мирот до „утре наутро“, би можеле да го сторат тоа.
„Очигледно е дека Украинците не можат сами да го извлечат тоа. Тие не се конкурентни во оваа војна. Ако нема пари и оружје од Западот, особено од САД, тогаш војната е завршена. Одлуката е во американските раце“, изјави Орбан.
„Се разбира, зборуваме за Украинци, тие не треба да се игнорираат, тие мора да бидат вклучени, но вистинскиот фактор не е Украина“, додаде тој.
Орбан, исто така, ја нарече идејата за одземање на Крим од Русија „целосно нереална“.
Подготвено од А.Ѓ.
About Author
