14.08.2023 Скопје
Германската министерка за надворешни работи, Аналена Баербок, ја започнува турнејата во Пацификот во која ќе ги посети Австралија и Нов Зеланд, а ќе присуствува и на инаугурацијата на новата германска амбасада на островите Фиџи.
Според Баербок, Австралија е еден од најважните партнери на Германија во регионот и во некои аспекти е пред својата земја во справувањето со „странското мешање“.
На крајот на неделата министерката Баербок ќе престојува во Сува, главниот град на островите Фиџи, за да ја инаугурира новата германска амбасада, која ќе ја предводи Андреас Протман, кој претходно ја предводеше дипломатската мисија во Таџикистан.
Германското Министерство за надворешни работи во соопштението прецизира дека главна цел на турнејата во Пацификот ќе биде да се разговара на следните теми: продлабочување на билатералните односи, соработка на полето на безбедносната политика, вклучително и прашања за економска безбедност и стабилност, последиците од руската агресивна војна против Украина, улогата на Кина во индо-пацифичкиот регион, враќање на средствата кои припаѓаат на културното наследство, и соработка во климатските политики.
Подготвено од М.Н.
About Author
