28.08.2023 Скопје
Специјалниот претставник на Европската унија за дијалог меѓу Белград и Приштина, Мирослав Лајчак, изјави дека предизвиците на Западен Балкан не исчезнале.
Лајчак истакна дека ситуацијата на северот на Косово се уште е на врвот на неговата агенда. Тој додаде дека темпото во Брисел забави во текот на летото, но предизвиците на Западен Балкан се уште се во прв план.
Специјалниот претставник на ЕУ соопшти дека го поканил Габриел Ескобар во Брисел на детални дискусии и средби со цел да се подготви за следните месеци и дополнително да ги зајакне заедничките напори.
Лајчак додаде дека ќе ги посети Алпбах, Блед и Белград, каде ќе се сретне со претседателот на Србија, Александар Вучиќ и со косовскиот премиер Албин Курти, како и со голем број партнери, пријатели и експерти за Западен Балкан и светските политички настани.
Подготвено од М.Н.
About Author
