17.08.2023 Скопје
Царините воведени од Кина на милијарди увезени американски производи како одмазда за сличните мерки што Вашингтон ги воведе за челик и алуминиум ги прекршуваат правилата на меѓународната трговија, утврдија експертите на Меѓународната трговска организација, членови на комисијата формирана за да ги испита бројните спорови во трговската војна меѓу двете главни глобални економии.
Според експертите, мерката за дополнителни давачки што ја одлучи Пекинг „не е во согласност“ со неколку членови од Генералниот договор за царини и трговија (Gatt).
Случајот се врти околу кинеската одлука, која датира од април 2018 година, да воведе царини на 128 американски увозни производи, вклучувајќи овошје и свинско месо, во вредност од околу 3 милијарди долари.
Според извори од Министерството за трговија, владата во Пекинг го проучува експертскиот извештај и ветува дека ќе го почитува, во согласност со правилата на WTO, но бара САД веднаш да ги отповикаат мерките наметнати за челикот и алуминиум, кои исто така ги прекршуваат правилата на организацијата.
Одмаздничките царини беа спроведени од Пекинг откако администрацијата на поранешниот претседател Доналд Трамп воведе високи царини за увоз на челик и алуминиум од Кина и голем број други земји.
Подготвено од М.Н.
About Author
