01.08.2023 Скопје
Кинеското Министерство за трговија објави дека ќе воведе контрола на извозот на одредени беспилотни летала и опрема за беспилотни летала, објаснувајќи дека сака да ги „заштити националната безбедност и интереси“, за време на ескалацијата на тензиите со САД околу пристапот до технологијата.
Контролата на извозот се однесува на одредени мотори на беспилотни летала, ласери, комуникациска опрема и системи против дронови, а ќе стапи на сила на 1 септември.
Се додава дека контролите ќе влијаат и на некои потрошувачки беспилотни летала, а цивилните беспилотни летала нема да можат да се извезуваат за воени цели.
„Скромното проширување на опсегот на контрола на беспилотните летала е важна мерка за да ја покажеме нашата позиција како одговорна голема земја, да ги спроведеме глобалните безбедносни иницијативи и да го одржиме мирот во светот“, се вели во соопштението.
Кина минатиот месец објави контрола на извозот на некои метали широко користени во производството на чипови, откако САД одлучија да го ограничат пристапот на Кина до клучните технологии, како што е опремата за производство на чипови.
Кинеското Министерство за трговија во април оваа година соопшти дека американските и западните медиуми шират „неосновани наводи“ дека Пекинг извезува беспилотни летала на бојното поле во Украина, додавајќи дека извештаите се обид да се „дискрредитираат“ кинеските фирми и дека ќе продолжи да зајакнување на контролата на извозот на дронови.
Американските пратеници рекоа дека повеќе од 50 отсто од беспилотните летала што се продаваат во САД се произведени од кинеската компанија DJI и дека тие се најпопуларниот дрон што го користат агенциите за јавна безбедност.
Подготвено од А.Ѓ.
About Author
