14.08.2023 Скопје
Власта на Ирак повторно го овозможи пристапот до социјалната мрежа Телеграм, која од 6 август беше блокирана во таа земја.
Забраната ќе биде укината по инструкции на премиерот Мухамед Ших ал-Судани, се наведува во соопштението на Министерството за комуникации.
„Забраната беше укината откако компанијата која ја поседува апликацијата одговори на барањата на безбедносните органи да ги идентификува странките што ги злоупотребиле податоците на граѓаните“, се вели во соопштението.
Од Багдад потенцираат дека Ирак не е против слободата на изразување, но дека посветеноста на компаниите кои имаат апликации за социјално вмрежување да ги почитуваат законите, безбедноста и податоците на корисниците на земјата е важна.
Министерството за комуникации на 6 август соопшти дека одлуката за забрана за пристап до Телеграм е донесена на барање на високи државни органи.
Образложението зад оваа одлука беше „спречување на истекување на приватни податоци кои припаѓаат на државата и заштита на личните податоци на граѓаните“.
Шиитските милиции поддржани од Иран кои активно ја користат платформата за социјалните медиуми во Ирак, силно реагираа на потегот.
Подготвено од А.Ѓ.
About Author
