10.08.2023 Скопје
Европската унија ќе инвестира над 100 милијарди евра до 2030 година за производството на електронски чипови и полупроводници да достигне 20 отсто од светскиот капацитет.
Ова го изјави европскиот комесар за единствен пазар, Тиери Бретон, додавајќи дека ЕУ оваа цел би можела да ја постигне и побрзо од очекуваното.
„Го имавме овој капацитет пред 30 години, но постепено го загубивме во корист на Азија и сега достигнуваме само 9 отсто од глобалното производство“, истакна еврокомесарот.
Бретон додаде дека, досега се доделени 43 милијарди евра во грантови и дека моментално има повеќе од 68 проекти во 19 земји кои ќе овозможат да се врати конкурентност, а исто така и стратешка автономија на Европа.
Подготвено од М.Н.
About Author
