12.08.2023 Скопје
Францускиот клуб ПСЖ на својот клупски сајт го промовираа Французинот Усман Дембеле како нивни нов фудбалер, а договорот е потпишан на пет години.
Крилото се враќа во најсилната француска „Лига 1“ во која последен пат настапи во 2016 година како играч на Анже.
Потоа следуваше трансферот во Борусија Дортмунд, по што се пресели во Барселона чиј дрес го носеше шест сезони, имаше 185 настапи, запиша 40 голови и 43 асистенции.
Дембеле беше дел и од француската репрезентација која го освои Светското првенство во Русија во 2018 година, но и селекцијата која лани во Катар стана светски вицешампион.
Од неофицијални извори се дознава дека ПСЖ за услугите на Дембеле на Барселона и платил надомест во висина од 50,4 милиони евра.
Подготвено од М.Н.
About Author
