31.08.2023 Скопје
Жозеп Борел, високиот претставник на ЕУ за надворешна политика и безбедност, ги повика земјите-членки да нарачаат повеќе муниција за Украина бидејќи блокот е далеку од својата мартовска цел да испорача милион артилериски гранати на Киев во рок од 12 месеци.
Борел рече дека се потпишани сеопфатни договори, познати како рамковни договори, со компании за оружје за да им се овозможи на членките на ЕУ да дадат заеднички нарачки за гранати од 155 милиметри, кои итно ѝ се потребни на Украина во нејзиниот конфликт со руските сили.
„Сега останува на земјите-членки да донесат конкретни одлуки во рамките на овие рамковни договори со индустријата“, рече Борел за новинарите по состанокот на министрите за одбрана на ЕУ во шпанскиот град Толедо.
Во значаен чекор, земјите од ЕУ во март се согласија за план вреден околу две милијарди евра за да и обезбедат на Украина еден милион артилериски гранати или проектили во рок од 12 месеци.
Првиот елемент ги вклучуваше земјите кои ги користат своите резерви или купуваат залихи од други извори.
Борел рече дека на овој начин се обезбедени 224.000 парчиња муниција и 2.300 проектили, со вкупна вредност од околу 1,1 милијарди евра.
Тоа значи дека ЕУ не постигна ниту четвртина од целта, повеќе од пет месеци по покренувањето на иницијативата.
Подготвено од А.Ѓ.
About Author
