09.08.2023 Скопје
Соединетите Американски Држави не веруваат дека Русија или нејзината платеничка група Вагнер стои зад воениот удар со кој беше соборен претседателот на Нигер, Мохамед Базум, но веруваат дека Москва се обидува да профитира од тоа, изјави државниот секретар Антони Блинкен.
Според Блинкен, случувањата во Нигер се „повторување на она што се случи во другите земји, каде што Вагнер не донесе ништо друго освен лоши работи“.
САД ги поддржуваат обидите на Економската заедница на западноафриканските држави (ЦЕДАО) да го врати уставниот поредок во Нигер и веруваат дека дипломатијата е подобра од хипотезата за воена интервенција.
Изјавата на државниот секретар доаѓа еден ден пред новиот самит на лидерите на Цедеао, закажан за утре, на кој ќе се разговара и за хипотезата за воена акција за враќање на соборениот претседател Мохамед Базум на власт во Ниамеј.
„Нема сомнеж дека дипломатијата е најдобриот начин за решавање на оваа ситуација“, додаде Блинкен, без сепак да го изрази своето мислење за иднината на околу 1.100 американски војници стационирани во африканската земја, каде што има и воени контингенти на Франција, Германија и Италија.
Подготвено од М.Н.
About Author
