19.08.2023 Скопје
Претседателот на САД, Џо Бајден, неговиот колега од Јужна Кореја, Јун Сук-Јол и премиерот на Јапонија, Фумио Кишида, со вчерашниот самит во Кемп Дејвид инаугурираа „нова ера на трилатерално партнерство“.
Самитот заврши со потпишување на заедничка декларација и два други документи: „Принципите на Камп Дејвид“, со заедничката визија за Индо-Пацификот и посветеноста да се „консултира на трилатерално ниво“ со цел да се координираат одговорите на регионалните предизвици, провокации и закани за колективните интереси и безбедноста.
Индо-Пацификот е хоризонтот на договорот меѓу трите земји и зајакнувањето на безбедноста, вклучително и економската безбедност, е во центарот на заедничката декларација, насловена „Духот на Кемп Дејвид“, во која експлицитно е изразена загриженоста не само за активностите на Северна Кореја, но и за оние на Кина.
Се институционализира форматот на трипартитната соработка, вклучувајќи годишни состаноци на лидерско ниво и други механизми на високо ниво.
Понатаму, ќе се елаборира повеќегодишен план за одбранбени вежби, исто така на годишно ниво, а особено ќе се зајакне соработката во одбраната од балистички проектили, преку механизам за предупредување и размена на податоци во реално време, кој треба да стане оперативен до крајот на 2023.
Меѓу приоритетните области на соработка е и борбата против дезинформациите.
Што се однесува до економијата, во заедничката декларација трите земји ветија дека ќе работат на продолжување на отстранување на бариерите за економско учество и градење разновидни, достапни и инклузивни економии, вклучително и преку Економската рамка за Индо-Пацификот (Ипеф).
Меѓу споменатите цели се забрзување на транзицијата кон чиста енергија, мобилизирање финансии за квалитетна инфраструктура и еластични синџири на снабдување, и промоција на одржлив економски раст и финансиска стабилност.
Конечно, заедничката поддршка за Украина беше реафирмирана против руската војна на неиспровоцирана и брутална агресија која ги потресе темелите на меѓународниот поредок, со посветеност да се наметнат координирани и силни санкции кон Русија и да се забрза намалувањето на зависноста од руската енергија.
Подготвено од М.Н.
About Author
