26.07.2023 Скопје
Украинскиот претседател Володимир Зеленски изјави дека нема да толерира корупција или предавство во владините работи додека Украина се бори да најде средства да се одбрани од руските напаѓачи.
Зеленски во своето ноќно видео обраќање апелираше против корупцијата во време кога на виделина излегоа два значајни случаи – апсењето на армискиот офицер за регрутирање обвинет за масовна проневера и заменик обвинет за соработка со Русија.
Обраќајќи им се на пратениците, тој рече дека повеќе нема да ги толерира оние кои „за некаква лична корист“ одбиваат да ги поддржат законите што и се потребни на Украина за да ја започне својата долга кампања за обезбедување членство во ЕУ.
„Да ги предупредам сите пратеници, функционери и сите кои работат како државни службеници. Кога ги поминувате деновите барајќи оружје за земјата, кога вниманието на сите е насочено кон тоа дали има артилерија, проектили и беспилотни летала, чувствувате морална сила што нашите војници и ја дадоа на Украина. Никој нема да им прости на членовите на парламентот, судиите, воените функционери или кој било друг функционер што се ставија во опозиција на државата“, рече Зеленски.
Зеленски минатиот месец ги објави плановите за ревизија на воените канцеларии за регрутирање за да се обиде да ја елиминира корупцијата.
Подготвено од А.Ѓ.
About Author
