28.07.2023 Скопје
Грчкиот министер за климатски кризи и цивилна заштита Василис Кикилијас денеска изјави дека во последните неколку дена во Грција имаше повеќе од 600 пожари, а дека огромното мнозинство се предизвикани од луѓе.
„Државата ќе направи се што е потребно за да им помогне на погодените“, рече Кикилијас, истакнувајќи дека три лица загинаа, а 74 се повредени.
Посочи дека ситуацијата е тешка, и дека е стабилизирана благодарение на посветеноста на противпожарните бригади, споменувајќи ја и смртта на двајцата пилоти.
Кикилијас нагласи дека повеќето од околу 660 пожари се изгаснати, а имало и 10 големи пожари.
Министерот посочи дека климатската криза нема да исчезне и дека на неа мора да се прилагодат стратегиите на сите нивоа.
Состојбата околу пожарите во Тесалија, Крф и островот Евија утрово е многу подобра, а пожарите на Родос се ставени под контрола.
Подготвено од А.Ѓ.
About Author
