24.07.2023 Скопје
Податоците од украинската влада покажуваат дека конфликтот со Русија ја претвори Украина во „најминирана земја“ во светот.
Речиси една третина од територијата на Украина е зафатена од тешки борби и веројатно ќе бидат потребни интензивни операции за деминирање, додека пак повеќе од 67.000 квадратни милји (173.529 квадратни километри) се загадени со неексплодирани убојни средства, според истражувачкиот центар GLOBSEC со седиште во Словачка.
Тоа е повеќе од големината на Флорида и приближно е еквивалентно на Уругвај.
„Количината на смртоносни средства во Украина е без преседан во изминатите 30 години“, рече програмскиот директор на британската невладина организација „Мајнс советници“, Грег Кутер.
Според ОН, речиси 300 цивили, меѓу кои 22 деца, загинале во Украина во инциденти со неексплодирани убојни средства помеѓу февруари 2022 и јули 2023 година. Нагазни мини и други неексплодирани убојни средства, исто така, предизвикаа 632 цивилни повреди во истиот период.
Двете страни во конфликтот активно користат мини во своите операции. Соединетите држави, исто така, придонесоа за деминирање на украинска територија со снабдување на Киев со артилериски гранати од 155 милиметри кои создаваат привремени мински полиња, иако нивните подмуниции технички треба да се самоуништуваат.
Друго американско оружје испратено во Украина е противтенковската мина М21, која не може да се самоуништи.
Одлуката на Вашингтон да му обезбеди на Киев „касетна муниција произведена од САД, за кои е познато дека ги растера неексплодираните проектили, може само да ја зголеми опасноста“.
Според некои проценки, би можеле да бидат потребни 757 години да се отстранат сите неексплодирани убојни средства расфрлани низ земјата, дури и ако 500 тимови за деминирање би биле задолжени за мисијата.
Проценките на Светската банка покажуваат дека трошоците за овие операции би можеле да достигнат 37,4 милијарди долари само во следните десет години.
Според извештајот на Стејт департментот за 2023 година, Вашингтон досега има посветено само околу 95 милиони долари за операции за деминирање во Украина.
Заменик-генералниот секретар на ОН за политички и мировни прашања Розмари Ди Карло го предупреди Советот за безбедност на ОН дека огромни делови од украинската територија се покриени со мини и касетни бомби кои „ќе продолжат да претставуваат опасност за цивилите во наредните години“.
Претходно оваа недела, рускиот амбасадор во САД, Анатолиј Антонов го осуди Вашингтон за претворање на Украина во „гробишта“ на смртоносен отпад.
Подготвено од А.Ѓ.
About Author
