21.07.2023 Скопје
Словенците и Хрватите се европски рекордери во однос на процентот на граѓани кои тргуваат на турбулентниот крипто пазар.
Биткоини и други криптовалути купуваат 16 отсто од Хрватите и 17 отсто од Словенците, што е речиси три пати повеќе од европскиот просек.
На трето место се 14 отсто од Чесите, додека во Германија само шест отсто од населението верувале дека ќе се збогатат копајќи со помош на интернет, а не со мотика. Најмалку доверба во крипто светот имаат Италијанците и Шпанците (4 отсто).
Оваа пролет, Европската комисија го спроведе првото истражување за финансиската писменост во ЕУ, кое откри дека низ ЕУ нивото на финансиска писменост е ниско.
Приближно 18 отсто од граѓаните знаат сè за инфлацијата, инвестициите и ризиците што ги носат, 64 отсто може да се каже дека имаат одредено средно знаење, а останатите 18 отсто – воопшто.
Хрватска има малку поупатени луѓе – 20 проценти и нешто помалку целосно неуки – 16 проценти, а забележително скокна кон инвестирање во криптовалути и во категоријата доверба во банките.
Секој петти хрватски државјанин нема заштеда, што значи дека би останал без средства за живот доколку ги загуби редовните примања. Од друга страна, нешто помалку од четвртина од населението тврди дека со заштедата што ја имаат би можеле да го продолжат стариот живот најмалку шест месеци, па дури и повеќе. Според двата одговори, резултатот е меѓу најлошите во ЕУ.
Хрватите се крајно песимисти кога станува збор за староста и пензиите, само шест отсто од граѓаните очекуваат удобен живот во пензија, додека за другите тој процент се движи од три отсто во Полска до 24 отсто во Данска. Друга четвртина од Хрватите веруваат дека ќе живеат малку удобно, додека сите други гледаат на животот во својата старост со вознемиреност.
Хрватска е на шестото место од 27 во ЕУ според нивото на доверба во советите на банкарите и финансиската индустрија со 7% во оваа категорија. Инаку, секој четврти хрватски граѓанин има потрошувачки кредит, а секој десетти кредит со хипотека.
Подготвено од А.Ѓ.
About Author
