05.07.2023 Скопје
Добро би било да не бидеме толку многу изложени на сонце за да изгориме, но доколку се случи, има неколку брзи решенија.
Летото е време кога најмногу се сончаме, па без разлика дали сме на море, езеро, базен или во двор, овој период треба да посветиме посебно внимание на кожата.
„Ниту една количина на изгореници од сонце не е добра. Многу луѓе мислат дека е во ред да се изгорете од сонце на почетокот на сезоната, бидејќи тоа ќе ја направи вашата кожа посилна за да избегнете понатамошно оштетување од сонцето или дополнителни изгореници, а тоа навистина не е точно“, вели тој. Д-р Ида Оренго, претседател на дерматологија на Медицинскиот колеџ Бејлор во Тексас.
Изгорениците што ги добиваме од сонцето може да бидат сериозни, иако понекогаш не изгледа така. Важно е да се заштитите од преголема изложеност на ултравиолетово зрачење во текот на годината, но особено во текот на летото кога е поголема веројатноста да поминувате време надвор. Сепак, изгорениците од сонце се случуваат по грешка од време на време, а еве што велат дерматолозите како можеме да го забрзаме процесот на нивно ослободување.
Земете ладен туш
Според Оренго, честото ладно туширање е добар начин да се помогне при болката што ја придружува изгореницата од сонце. Тие исто така помагаат да се намали воспалението и да се намали отокот и плускавците. Топлата вода само ќе ја влоши ситуацијата и погрижете се сапунот да е благ или воопшто да не го користите.
Користете нежен хидратантен крем
Алоето може да биде корисно, но внимавајте да користите крем од алое кој нема многу други состојки.
Ладни облоги
Ладните облоги можат да имаат благотворно дејство на иритираната кожа изгорена од сонце. За да го направите ова, едноставно ставете влажна, ладна крпа на изгорениците од сонце.
Подготвено од А.Ѓ.
About Author
